Page 12 - Preschaint Nummer 7

San Giachem scu muossavia
La vappa da Bever, chi penda eir suot la lobgia in baselgia, muossa l’apostel Giachem. Il sench e la veneraziun dad el sun dimena aunch’adüna preschaints illa vschinauncha, schabain cha quella as vaiva decisa i’l 16evel tschientiner per la refuor- ma. La memoria collectiva dals Bevrots so impü: I’l temp d’immez eira activa üna confraternited da Giachem chi sustgnaiva als pelegrins.
Üna dumanda suvenz udida: „Inua as rechatta la crusch illa baselgia San Giachem a Bever?“ Ils bgers visitaduors guardan alura automaticamaing insü e tscherchan vi da las paraids. Ma els nu chattan ünguotta e sun finelmaing dischillus. Però üna gruppa dad orvs e persunas chi vezzan mel d’eiran d’in- cuort in baselgia. Els haun bado dalum la crusch, nempe cun lur peis: Ella gescha per terra scu ün fuonz da crap immez il lain e structurescha il spazi. Ün simbol ferm chi’ns invida: Tuot las vias mainan vi tar la maisa da la Sencha Tschaina (inua cha vess insè dad esser situo ün crap da battaisem; ma que es üna particularited a Bever: Il crap da battaisem maun- cha, e la maisa il rimplazza daspö la renovaziun dal 2005). La consequenza da la crusch per terra es subtila: Mincha visitadur chi vo tres la baselgia as transfuorma pass per pass in ün pelegrin. El chamina vers sieu battaisem resp. vers quel lö, chi al nudrescha culs duns da la vita. Que capita in memoria grata: Eau sun battagio.
San Giachem ho ün messagi pel viandant: Il bastun da San Giachem nun es adüna da lain. Minchataunt serva nos battaisem scu bastun il pü ferm.
Die Kirche ist gewestet. Als eine der ganz wenigen in Graubünden. Das Warum bleibt im Dunkeln. Sie zeigt nicht in Richtung Orient. Gleichwohl gibt sie Orientierung. Bildfreie, weisse Wände regen die Fantasie an, inspiriert vom biblischen Wort und dem Klang der Metzler-Orgel.
Wer Bilder sucht, wird auf der äusseren Kirchenwand beim Friedhof fündig: Georg, der Drachentöter, Erzengel Michael als Seelenwäger und der kind- tragende Christophorus treten mit uns in Kontakt.
10 preschaint das Magazin