Page 42 - Preschaint Nummer 7
P. 42

                 «Mia vita es steda
pü richa tres mia Padella»
«La padella» ho nom il prüm cudesch da recettas da trats engiadinais. Tredesch ediziuns ho que do düraunt passa quaraunt’ans. La «mamma» da quist classiker es Cilgia Nogler-Pedrun da Bever. Sün sia via persunela ho «La padella» gieu üna grand`influenza.
Sülla maisa da stüva ho Cilgia Nogler-Pedrun preparo ün plic cun ediziuns da «La padella». La prüma collec- ziun da recettas es ün cudaschet cumparieu per Nadel dal 1974, cun fotografias fattas da Jon Feuerstein e scrit in rumauntsch e tudas-ch. L`ultima ediziun es ün cudesch magari gross dal 2004 chi unescha las duos parts da «La padella» e cuntegna fotografias da Steivan Gaudenz. Tuot las tredesch ediziuns sun cumparidas suot il tet dad «Il chardun». «Eau cuschin- aiva adüna già gugent», quinta duonna Cilgia. Da matta hegia ella experimento in cuschina e bainbod hegia sia mamma eir surlascho ad ella da cuschiner, scha gnivan visitas in chesa. «Mia prüma experienza cun üna recetta engiadinaisa ch`eau nu cugnuschaiva auncha d`eira cun üna tuorta da nusch», s`algorda ella. Duonna Cilgia es creschida sü a Silvaplauna, sia mamma derivaiva d`üna famiglia da Randulins, pasti- ziers chi vaivan ün affer renumno a Nizza. La tuorta da nusch nu faiva però part dal repertuar da la famiglia Müller. Quella ho la duonna giuvna imprains a cugnuo- scher düraunt ün praticum in üna chesa d`iffaunts i`l chantun Soloturn. Duonna Cilgia es dvantada magistra d`economia.
Fer plaschair e na be pizcher
«Düraunt mi`infanzia e giuventüna as cuschinaiva bger pü simpel», quinta ella. Ils Engiadinais eiran per granda part autoproducents. La cuschina d`eira adatteda ad üna vita cun lavur corporela düra sülla preda, in god u in stalla. «La nudritüra d`eira sustanziusa e grassa», s`algorda duonna Cilgia. Ils trats engiadinais eiran però eir delizchus e varios. Ma perche es duonna Cilgia finelmaing ida in tschercha da recettas in tuot l`Engia- dina e la Val Müstair e perfin in Bergiaglia? Zieva avair glivro sia scolaziun a Cuira, d`eira ella steda auncha duos ans giò la Bassa e cur ch`ella es turneda in patria, ho ella imprains a cugnuoscher a Jacques Guidon, il fundatur da la revista satirica «Il chardun». «El ho lura managio ün di cha füss bun da publicher i`l Chardun eir qualchosa chi fo plaschair a la glieud e na be da que chi pizcha», s`algorda duonna Cilgia. Ed uschè ho`la cumanzo a cuntribuir mincha mais üna recetta per «Il chardun».
40 preschaint das Magazin




























































































   40   41   42   43   44