Page 17 - Preschaint Nummer 5

Il baunch d’porta cun vusch e vista
Die Bank vor dem Engadinerhaus erinnert an eine Zeit, in der für alle die Uhren noch gleich liefen und man am Feierabend im Vorübergehen ein paar Worte wechseln konnte. Man kannte sich an der Stimme und am Gesicht.
In Engiadina düra l’inviern pü lönch cu giò la Bassa. Ed eir cur cha la prümavaira tuorna e cur cha la sted cumpuona darcho il purtret da la val in verd, blov ed ün restin alv, ans algordan ils ventins da saira cha’l chod es be il privilegi da las uras da plain sulagl. Il fraid resta adüna in vicinanza. Que as spievla natürelmaing eir illa maniera, cu cha’ls abitants s’haun drizzos aint in lur relaziuns socielas:
Impè da fnestras grandas haun las chesas pitschnas, da quel- las foppas chi fuorman ün padriöl per ramasser ils razs da sulagl. Impè da lobgias imposantas, chi clappessan be man- tuns da naiv, pü gugent il balcun tort vers la via maistra. Chi chi ho buonder cun cornas, po rester a chod ed eir uschigliö in sgürezza. Ed impè da plazzas grandas – scu illa regiun pü choda giò Clavenna – pütost ils baunchins davaunt chesa pel cas cha la temperatura permetta da ster aunch’ün mumaintin dadourvart.
Il baunch d’porta d’üna chesa engiadinaisa spievla auncha dapü: Da pü bod curriva la vita in vschinauncha seguond ün ritmus cumünaivel, seguond ils bats dal clucher. La saira sen- cha as tschantaiva sül baunch d’porta. Cun chi chi passaiva, as pudaiva baratter qualche pled. Ils chantunais as cugnu- schaivan vi da la vusch e la vista. Il baunch sper la porta definaiva ün spazi traunter l’ambiaint public e privat. Üna zona d’immez, simila a quella illas citeds da pü bod cul pit- schen üert davaunt chesa, traunter via e porta.
Il ritmus da viver s’ho intaunt fermamaing individualiso. Il clucher culs bats ed ils baunchins sun bainschi auncha visi- bels, lur funcziun però ho müdo. Ma nu pudessane eir aunch’hozindi servir scu invid d’interrumper per ün mu- maintin il curröz dal minchadi per imprender a cugnuoscher a qualchün vi da la vusch e vista? Il guadagn pudess facil- maing dürer pü lönch cu be ün mumaintin.
preschaint das Magazin 15
© Feuerstein · Archiv J. D. Gross