Page 18 - Preschaint Nummer 5

Tucher e gnir tucho
Che am fo bain?
Che distanza drouv eau al minimum per am sentir bain in ün inscunter?
Che contacts am daun il sentimaint dad esser furtüno?
Ho mia pel minchataunt fam da gnir tucheda? Da chi?
Che perda üna persuna, cur ch’ella ho pers a sieu partenari?
Che capitess cun me, sch’eau nu vess pü ad üngün per brancler?
Che resainta üna persuna attempeda chi vain tucheda unicamaing per ün’inter- venziun professiunela illa staziun da fliamaint?
Cura m’he eau ars la pel l’ultima vouta?
D’heja fat pêsch cun mias nattas? E cun mias feridas chi’m sun auncha pü daspera cu mia pel?
Stögl eau fügir, cur ch’eau sun confrunto culla misiergia da qualchün’oter? Che porta que, sch’eau füg – e che, sch’eau rest?
Cugnuosch eau a mieus chantunais?
Discuor eau pü gugent davart üna situaziun pretensiusa impè dad entrer in quella persunelmaing?
Che sgürezzas drouv eau per pudair am lascher tucher? E che sgürezzas drouv eau aunz cu tucher a qualchün?
Glisch eau gugent la pel d’ün chaun? Pü gugent cu il maun d’üna persuna?
A chi d’heja già ferieu cun mia tschercha da contact memma directa?
Cu udura la pel d’ün nouvnaschieu? E cu udura mi’egna pel?
Che üsaglia pigl eau gugent in maun?
Es salüder cul maun ün’üsaunza chi chaschunescha tar me pütost imbarraz?
Es la temma da gnir infecto pü granda cu la furtüna da pudair entrer in ün contact, cur ch’eau salüd a qualchün cul maun?
Che es per me uschè s-chiffus ch’eau nu sun bun da tucher que?
Eau evitesch la vicinanza da tschertas persunas. Perche d’heja trat quista decisiun?
Cura d’heja gieu la pel d’gillina l’ultima vouta? Che es sto l’impuls?
Che dumandas m’haun vairamaing tucho?
(da cuntinuer)
16 preschaint das Magazin