Page 34 - Preschaint Nummer 6

Il plaschair – la motivaziun Il vadret da Pizol giò Sargans es ultimamaing gnieu declaro mort. Cu ho’L piglio sü quista novited? Insè es eir la mort d’ün vadret qualchosa cumpletta- maing normel. Vadrets vivan e vadrets mouran. Temps pü fraids e temps pü chods as müdan giò. E listess fo la mort dal vadret Pizol eir mel. El es gnieu observo daspö dapü cu tschient ans. Cha que es uossa glivro – ün vair cumgio! E per quelo vains nus vulieu fer ün act rituel. Eau sun sto da la partida cun duos cours in mieu pet: D’üna vart es que trist. Da l’otra vart nu vains nus vulieu uzer il daunt pedagogic, admunind cul messagi cha’l muond giaja uossa in malura. Ün ambiaint d’impotenza e da tristezza magliess be mincha motivaziun, da la quela nus vessans dabsögn per furmer l’avegnir da noss iffaunts ed abiedis i’l ram da nossas pussibilteds. Tschercha’L üna motivaziun positiva per ün in- gaschamaint urgiaint? Ils psicologs ans dian cha nus nu reageschans be sün imnatschas. Üna motivaziun our da l’egen intern es eir pussibla, saja que cun motivs altruistics u saja que grazcha ad ün’incletta per l’egna respunsabilted. La pü bella motivaziun per as ingascher pel clima es il gust, il plaschair! A’s tratta da qualchosa persunel ed insè eir d’üna dumanda religiusa. Las religiuns portan in se il sen da chürer il plaschair da vita! – Schi, nus druvains propi üna motivaziun positiva per chürer l’ambiaint. Ün messagi moralistic collio cun üna panica nu porta bger. Hozindi discutains nus dal clima in tuot ils am- biaints. Che spievla quelo da nus scu societed? Nus realisains cha’l clima müda. E listess sperains nus cha tuot resta. Nus vains fadia da’ns adatter a las re- laziuns nouvas. Ün conflict culla realted da pü bod. – Impü realisains nus cha’l müdamaint vo inavaunt cun ün tempo pü accelero. E nus gnins consciaints cha nus influenzains il müdamaint dal clima. Las resursas illa natüra sun limitedas, melgrô cha nus vivains cun ün’incletta da l’economia chi voul adüna surpasser ils limits. Nus ans stuvains dumander: Che sun las qualiteds da viver chi velan il pü bger? Es l’umaun simplamaing quel chi disturba il muond? Que do il parair cha la religiun cristiauna dia cha l’umaun saja quel, chi hegia la natüra in sieus egens mauns. Per me es quelo be ün’interpretaziun melvan- türaivla. Eir scu umauns essans nus „be“ üna part da la natüra! Cun nossas egnas pussibilteds ans muvains nus adüna dadains cunfins. Ma eir scha nus nun essans illa pusiziun d’ün chapitauni, schi vains nus nossas lezchas. Per exaimpel: Scha nus vivains dadains cunfins e scha la natüra svess ho sieus cunfins, schi essans dumandos da’ns adatter als cunfins. Eau sun persvas cha que nu do ün’otra via cu da dvanter pü modests. Que nu stu esser negativ. Que dependa simplamaing da noss’incletta d’üna buna qualited da vita. 32 preschaint das Magazin