Page 36 - Preschaint Nummer 7

Scheltas
Sieu tat eira ravarenda.
Sieu non eira magister (e da sted conductur tar la Viafier retica). Sieu bap es ravarenda.
Ed el stüdgia psicologia.
La societed s’ho müdeda.
Cun che schelta? Suot che pressiun?
Sia tatta d’eira pura.
Sia nona d’eira pura ed actuara dal cor mixt.
Sia mamma es pura e presidenta dal cussagl da scoula. Ed ella es indschegnera agrara.
Ils temps s’haun müdos.
Cun che schelta? Suot che pressiun?
La tatta staiva insembel cul tat. Che d’eira cun els?
La nona staiva insembel cul non. Lur stüva d’eira prüveda. Sia mamma e sieu bap sun insembel. Ma perche insè auncha? Ed ella es intaunt già divorzieda. E cuntainta.
Biografias muossan vistas differentas. Cun che liberteds? Cun che cunfins?
La tatta es morta cuort zieva avair parturieu.
La nona d’eira pütost da sandet debla.
La mamma temma d’ün cuntin dad esser amaleda.
Ed el svess lavura scu chürunz illa dmura per attempos. In tuot ils temps:
Che es vairamaing schelta libra?
„Das Schicksal gehört zum Menschen wie der Boden, an den ihn
die Schwerkraft fesselt, ohne die aber das Gehen unmöglich wäre.
Zu unserem Schicksal haben wir zu stehen wie zu dem Boden, auf
dem wir stehen – ein Boden, der das Sprungbrett für unsere Freiheit ist.“
Viktor Frank (1905-1997)
Begründer der Logotherapie und Existenzanalyse
34 preschaint das Magazin