Page 24 - Preschaint Nummer 8

Aurora Perche be am vain incunter taunt schnöss scha od quist pled? Es que l’imna «Trittst im Morgenrot daher» u apunto «In l’aurora la damaun» chi provochescha quista beffa? Es que las associaziuns chi’m vegnan adimmaint cul restorant bar- mör Aurora a S-chanf? Giuver a chejels, sudos in mandura u magari ün bun gianter la dumengia? Associaziuns da tuot gener be na da que cha’l pled vuless insè exprimer. La poe- tessa nun ho neir pudieu druver quist pled üso e strapat- scho, ella ho scrit in sia plazza «I chatscha di». Il pled scu tel es ün gnieu plain vocals, e l’unic agüd da con- strucziun es il consonant r chi vain alura a güder güsta duos voutas. «Aur» dian ils stranglavachas per «or» e güst’eir nos «or» es auncha tacho vi da l’aur! Scu scha l’aurora füss fatta our da quist metal pesant glüschaint – eir la culur es cum- plettamaing sbaglieda ... A mauncha poch cha la povr’auro- ra füss eir auncha ün palindrom, ün pled chi tuna listess let inavous scu inavaunt, be l’u il salva da quella varguogna. Ma la significaziun dal pled, abstrahand da tuot las associa- ziuns laterelas cha’l pled porta cun se: Il tschêl la bunura, cur cha la terra cumainza pür güsta a gnir iglümineda dal sulagl, m’ho adüna impreschiuno enormamaing. Da giuvnot vaivi üna perioda cha giaiva mincha an almain üna vouta sül Piz Languard, pü tard sül Piz Ot. Eau partiva la not per river sü al güst mumaint: cur cha l’aurora cumanzaiva a’s mus- ser. Che culuors da la vart vers ost, quel melnaint-verdin da van Gogh-Segantini, e no dal vest ils blovs violets grischs s-chürs, pesants, alura quellas müdedas poch a poch, quel dvanter di. Lascher sfundrer il s-chür da la not e cumanzer ün nouv di. Nouv, fras-ch, plain spraunza. 22 preschaint das Magazin