Page 8 - Preschaint - Nummer 3

Guarder cun ünpolesch verdIl meglder es da piglier l’egen polesche da’s schmüravglier, quaunt verd ch’el dvainta.Que cha nus tuchains, ans influenzescha.Nus scuvrins cha nus pudains chaschuner qualchosa. Sainza violenza. Püchöntsch cun nossa generusited. E cun nossa paschiun.Bger da quelo chi crescha es verd.E verd es la culur da la spraunza in bgeras chosas.Schi, que chi’d es, es creo per crescher inavaunt.Ils bös-chs suos-chan crescher sü vers il tschêl.La grandezza dal Segner nun es in prievel.Ell’as revelescha in tuot que chi’s sviluppa suot ün tschêl aviert.Na da tuot dvainta qualchosa.Ir in malura – que capita.Cha’l fled parta sainza turner – que do que.Robas vegnan ignoredas e surpassedas – que do que.Ma experienzas cuntrarias do que eir: Qualchosa chatta üna buna plazzae sviluppa que chi’d es già preparo a la zuppeda.Chi chi ho uraglias per udir, ch’el oda:„Ün pur vulaiva semner. Cun semner es crudo üna part sülla via, e’ls utschels sun gnieus ed haun piclo sü. Oter sem es crudo sün terrain crappus. Lo eira memma pocha terra, a manchaiva il fuonz per las rischs. Quel es prüieu svelt, es ars illa chalur dal sulagl ed es secho vi, nun aviand rischs. Auncha otersem es crudo traunter ils charduns. Quels sun creschieus suraint e l’haun stendschanto: Uschè nun ho’l purto üngün früt. Ma quel chi’d es crudo sün terra buna, es creschieu, es gnieu madür ed ho purto buna rendita: trenta, sesaunta, dafatta tschient grauns per ün.“our da l’evangeli seguond Marcus, chapitel 46 preschaint das Magazin