Page 42 - Preschaint Nummer 5

Chaun & giat
Ein Dorf lebt davon, dass sie Nachbarn sein können: Hund und Katze.
Schi, que do ils chantunais chi nu vaun bain daperüna. Da que vain quinto in mincha vschinauncha. Ch’els sajan scu „chaun e giat“, as disch. L’ün nu cuescha a l’oter niauncha l’ajer per trer il fled. Ed els as tegnan in ögl, as controllan traunter pêr, adüna pronts da suner alarm in nom da la güstia!
Ma chauns e giats reels nu s’interessan per la güstia. Els s’orienteschan vi da cunfins, chi defineschan re- viers, e natürelmaing vi da la simpatia ed antipatia. L’esit da quist gö nun es già ouravaunt cler. Chaun e giat as cueschan eir üna buna vicinanza traunter pêr. Da telas experienzas se eau da quinter ...
Mieu prüm chaun eira ün da la Terranouva. Nair, grand e meladester in sieus muvimaints dadour e dadains chesa. Las plazzinas prüvedas cugnuschaiva’l bain scu eir ils duos giats, abitants illas listessas staun- zas. Cur cha „Ciccio“ ho scuviert sieu nouv dachesa, è’l gnieu bivgnanto dals giats cun ün buffer agressiv.
Ma el es resto quiet, nair e meladester. El ho be guardo cun sieus duos ögls s-chürs. Üngün üerlöz. Viepü s’adüsaivan ils giats a la preschentscha dal chaun. Els haun perfin surpiglio ün adüs d’el. Cur ch’eau chami- naiva la saira tres la vschinaunchetta, accumpagnai- van els al chaun ed a me. Zieva ch’el vaiva miss sia marca cun ün squit da pisch, gnivan els, savuraivan il prüm e mettaivan alura eir els üna marca. Giaiv’eau a spass cun trais chauns? Al cunfin da la vschinauncha restaivan ils giats inavous. Ma apaina cha „Ciccio“ ed eau turnaivans tar las chesas, cumparaivan ils giats in ün dandet our da la s-chürdüna d’ün chantun. Vairs „chantunais“ ch’els eiran! In quatter turnaivans alura a chesa.
Eau d’he bain imprains: Las idejas davart chantunais nu tuornan adüna. Chaun e giat vaun bain daperüna. E sainz’oter eir chantunais – cunter mincha baderlöz illa vschinauncha.
40 preschaint das Magazin
© Linda