Page 46 - Preschaint Nummer 6

Pelegriner es ün’activited traunter l’ir, il manger, il durmir. Vers saira maina la via darcho in üna chesa. La buscha sglischa da las spedlas giò sül fuonz. Che surleivg! Recreaziun segua: ün bivgnaint scu prüm, üna tualetta ed üna duscha, zieva üna plazza vi d’üna maisa missa per tschaina, üna baderleda, scha que es pussibel, ed incuntschaints dvaintan cuntschaints – ed a la fin as drouva stram per pernotter. Che es il sen da la vita? Siand grat i’l inscunter, s’evra nos spiert. Illa grazcha chattains nus üna resposta. In chesa nu glivran las istorgias da la via. Ellas vegnan transfurmedas. Scu cha l’evangeli circumscriva: Duos attristos giaivan insembel ün töch. Ün oter s’ho approsmo e s’ho miss a chaminer cun els. Tadland lur experienzas schnuaivlas. Dumandand zieva. Ed instruind ad els. Els nu realisaivan chi ch’el eira. E cur ch’els sun rivos a lur böt, l’haun els ruvo d’entrer – scu giast. E cur ch’els tschantaivan a maisa, ho’l piglio il paun, l’ho benedieu e zieva l’avair ruot, l’ho’l spüert ad els. Uossa s’haun avierts lur ögls, ed els haun cugnuschieu a Gesu. Ma el es svanieu da lur ögls. Ed els sun alvos in quella listess’ura e sun darcho turnos. Surleivgios. Cun gust. Seguond Lc 24 44 preschaint das Magazin Es geht