Page 19 - Preschaint - Nummer 3

unic ram. Scha d’eira ün bun an ramassaivans sachs plains. Las piclas zieva quellas raccoltas d’eiran nairas, e pür zieva la cura cul sdratsch cregn da terpentin ans laschaivane darcho gnir in stüva.Cur cha las s-chaglias da la nuschpigna d’eiran sechas avuonda as pudaiva strer our la nuschella sainza fadia our da la nuschpigna, ed eau m’algo- rd dad üna s-chacla da s-charpas stichida plaina da nuschella. Ma la poesia da la cramarina da la paira vaiva formulo üna granda vardet:„... tar nus ils dschembers daun bain nuschs, ün bun manger ma lungurus.“Per eviter quella lungurella vaivi invento üna zaungia per sfracher la crousla dal nuschè. Eau la vaiva construida uscheja cha la crousla schluppe- da crudaiva giò da las varts e’l minz gniva our dad üna foura bel net, be cun sü auncha la pletschina mellan d’or. Ma la zaungia vaivi fat our da lain. Tal prüm nuschè cha d’he vulieu fer la prouva s’ho sfess il lain da mia zaungia miraculusa, ella d’eira ida da pêr be sech. Per manger nuschella d’he dimena druvo inavaunt la metoda primitiva, fin hoz: sfracher la crousla culs duos daints ögliers a dretta in mia buocha. E quels am servan dafatta eir auncha uossa, zieva bod settaunt’ans – graz- cha a la igiena dentela da duonn’Angela.Ma la nuschella nu vaiva be l’importanza scu mangiativa. Almain taunt am fascinaiva da savair cha our dad ün da quists nuschels creschiva ün püschellin dad aguoglias cuortas verdas ed our da quel, bgers ans pü tard, ün dret grand nouv dschember.„... tar nus ils dschembers daun bain nuschs, ün bun manger ma lungurus.“Quaunta nuschella vaivi pruvo da semner cur cha ma s-chacla da s-charpas d’eira darcho üna vouta plaina! Quaunt gugent vessi üna vouta vis a prüir ün nouv dschember our dad ün da mieus nu- schels. Ma na ün’unica vouta nu m’es que reu- schieu da perseguiter la creschentscha dad ün dschember ch’eau vess gieu semno svess. Per cha crescha ün nouv dschember stuvaro esser güsta la temperatura da la terra, l’ümidited, la foppezza. Que nu pera da bastair da metter simplamaing ün nuschè aint illa terra. Dafatta auncha scu hom creschieu d’he, ün an cun bgeras nuschpignas, ra- masso ün sfrach nuschella e la d’he semneda da- pertuot intuorn in Uina, già ch’eau vaiva constato cha be sü ot a l’ur dal god d’eira da chatter qual- che dschember. Giò illa val nu daiva que üngüns dschembers, be larschs e tevs e pigns. D’he sgür semno var trajatschient nuschels. Ma neir desch ans pü tard nu d’he chatto üngüns dschemberins chi vessan cumanzo a crescher in quels gods inua cha vaiva sepulieu mia nuschella.Ma cha our da nuschella dvantessan dschembers quelo am vaiva la natüra per furtüna listess musso già fich bod: Üna prümavaira cha truschaiva aint illa terra daspera il mür da la chesa, chatti dandet- tamaing üna megra trida nuschpigna marschetta mez splattütscheda chi stu esser crudeda per terra l’utuon aunz. Schi che vezzi? Ün bel vuorch fras-ch verd delicat prüiva our da mincha cuzzin dals singuls nuschels, dunzainas ün dasper l’oter, nouvs dschemberins chi cuccaivan our dad ün’unica nuschpigna marscha, ida a perder l’utuon per sbagl!preschaint das Magazin 17