Page 18 - Preschaint - Nummer 3

Göri Klainguti DschembersIl dschember e la nuschpigna giuvaivan üna rolla eminenta illa vita da nus mats.Giöri KlaingutiPer rampcher sülla bos-cha d’eira il dschember bger pü adatto cu’l larsch, e tevs e pigns d’eiran pochs d’intuorn. La ramma cumanzaiva tar la granda part dals dschembers già poch sur il per- terra uschè cha eir ils pü pitschens tracagnottels gnivan già da rampcher sü almain ün töchet. Tar ün da noss dschembers cumanzaiva la ramma però pür poch suot la tschima, quel dschember sumagliaiva ad üna palma. Scha vulaivans river sün quel vaivans il prüm da rampcher sü per ün dschember daspera fin a l’otezza da sia ramma ed alura fer vi ün sagl. Quecò d’eiran bravüras cha’ns ris-chaivans da fer pür ill’eted cur cha giaivans già a scoula, magari in quarta u tschinchevla classa. Hoz, stüdgiand da per me, am duni dabuondercha nossa mamma nu’ns vess mê scumando la rampchanda u almain dit da guarder allo, perche cha suvenz ans rechattaivans uschè ot cha vzai- vans giò süls tets da las chesas. Da cruder giò füss sto mortel. Ma nossa mamma savaiva che cha voul dir rampcher sülla bos-cha. Dad ella quinta- ivane ch’ella saja steda „ün mat fallo“ da chindla: Sch’ella vess gieu da fer s-chagna u ün’otra lezcha da scouletta schi rampchaiv’la sül dschember il pü ot e gniva giò pür cur cha la tanta, üna duonna be pisser e temma, vaiva impromiss da fer ella quel- las aunzas u püts u cusdüras per la magistra da scouletta. Il listess dschemberun dal rest druvai- vans eir nus per tgnair sün distanza ils creschieus – nus fümaivans cigarettas sün quel.Il temp il pü miraculus d’eira cur cha las nuschpi- gnas madüraivan. Las pü bgeras nuschpignas as chatta adüna süls rams gross da la tschima. Lo pudaivast cler giò magari desch nuschpignas grandas, blovas, cun larmas da rescha, giò dad ün16 preschaint das Magazin