Page 34 - Preschaint - Nummer 3

„Dschember,ün lain cun orma“Il lain da dschember es lam e savura grandius. Pel falegnam Marco Cadonau da S-chanf es dschember ün lain ideel per lavurer. Üna visita i’l muond dad „IN LAIN“.Illa resgia cumünela da S-chanf es que fraid. Ad es bun- ura ed il mneder da la resgia muossa auncha svelt ün pêr assas da dschember ad ün cliaint, aunz cha la posa da cafè clama. Il cliaint ho nom Marco Cadonau. Il faleg- nam da S-chanf es suvenz illa resgia da vschinauncha. Cò vain elavuro be laina da la regiun. In sieu affer lavura Cadonau per 95 pertschient cun laina indigena - ed 80 pertschient da quella es dschember. „Dschember es il meglder lain dal muond“, disch il falegnam. A’s tratta tenor el dad ün lain cun caracter. Il lain nun ho spinas, nu’s sfenda ed es lam – ün lain ideel per furmer. Tiers vegnan l’effet antibacteriel dal dschember e l’effet dals ölis chi’s rechattan i’l lain. „Ad es cumpruvo cha’s dorma pü bain in staunzas da dschember“, disch Cadonau. Cler cha’l dschember es perque fich dumando in staun- zas da durmir, ma eir in stüvas, chadafös u bagns.Ün lain exclusivDschember es ün prodot da nischa, üna specialited da las Alps. Il dschember crescha in otezzas chi pretendan cha’l lain saja resistent. Da l’otra vart ho il lain vettas d’eted enorm finas, per part es üna singula vetta main grossa cu ün millimeter. „Pü plaun cha’l dschember es creschieu e pü bain ch’el savura“, tradescha Cadonau. Quista savur da dschember inchaunta a bgera glieud. La ditta da fa- miglia „IN LAIN“ prodüa eir l’essenza ed il spray da dschember, venda cuschins e s-chalizzas da dschember. L’udur da dschember as venda bain, scu cha Cadonau garantescha. Scu il lain svessa es l’udur qualchosa exclu- siv, qualchosa nöbel.Consciaint e perdüraivelDaspö ün pêr mais as rechatta i’l areal d’industria da S-chanf ün stabilimaint chi do dalum in ögl. Ad es üna32 preschaint das Magazin© Foto Mayk Wendt