Page 35 - Preschaint - Nummer 3

sort cubus da lain cul emblem dad „IN LAIN“ in custabs d’argient. A’s tratta d’üna halla per süjanter las assas. „Intaunt cha’l lain süja, madüra’l“, declera Cadonau, zieva ch’el ho aviert cun schlauntsch il por- tel da la halla. La laina as pudess süjanter eir cun agüd da maschinas, ma l’expert da laina preferescha la varianta natürela chi düra bainschi pü lönch, ma chi schinagia eir il lain. „Eau vuless prodür da manie- ra consciainta e perdüraivla, eau vuless spordscher qualited“, disch Cadonau. Ed uschè po ün’assa tuot tenor eir süjer püs ans, fin cha’l lain es propi madür. „Pür alura es il lain quiet“, declera il falegnam. Sü ot sur ils chos dals visitaduors do auncha qualchosa in ögl: Ün pêr butschins. A’s tratta da 1200 liters whisky. Ün amih da Cadonau il prodüa ed il lascha illa halla dad „IN LAIN“, per cha’l whisky „Orma“ hegia zie- vatiers ün gust da dschember. Dschember pel palat. Ün affer da famigliaIlla chesa engiadinaisa Somvih 38 as rechatta l’uffici- na dad „IN LAIN“. Cur cha s’aintra, vain incunter quist’udur incumparabla da dschember. „Mincha- taunt vegnan giasts aint da porta culla dumanda: „Törfemer e biz schnuppere“, quinta Cadonau riand. Ill’ufficina es sieu collavuratur Lorenz landervi a fab- richer insembel üna s-chantschia. „IN LAIN“ es üna ditta da famiglia, inua cha’ls genituors da Marco Ca- donau lavuran eir auncha. Il fundamaint per l’affer vaivan els miss dal 1979 culla „Serviceschreinerei“. Pür l’an passo ho il figl surpiglio ufficielmaing l’affer. Impü sun impiegos üna vendedra per la butia a Zuoz ed ün giarsun illa falegnamaria. Sur l’ufficina viva Cadonau cun duonna Katia e’ls trais iffaunts.Mobiglia, interiuors, decoraziunIll’ufficina vegnan planisos e creos in prüma lingia unicats – in lavur manuela. Cò s’inscuntran fuormas engiadinaisas cun design modern. Cò naschan pro- dots scu mobiglia, interiuors, ma eir ogets da cuschina u da decoraziun. Illa butia a Zuoz sun impustüt ils turists ils cliaints dad „IN LAIN“. Uschigliö prodüan Cadonau e sieu team in prüma lingia per possessuors da seguondas abitaziuns, per cliaints da la Bassa u per giasts da l’hotel „IN LAIN“ a Brail chi appartegna a Dario e Tamara Cadonau. L’interiur da l’hotel es ün prodot dad „IN LAIN“: tuot ils trais restorants, la bar/lounge e tuot las suitas sun gnidas fattas da Mar- co Cadonau e sieus collavuratuors. „L’hotel es nossa megldra referenza“, admetta’l. Adüna darcho dvaintan giasts da l’hotel eir cliaints da la manufactu- ra da lain.„Il dschember guarda“„Il dschember es nos uschedit ‚Exportschlager’“, disch Marco Cadonau. Adonta cha’l dschember es ün lain pütost cher, nun è’l ün prodot da luxus. L’avantag dal dschember es ch’el es adatto per motivs tradiziunels taunt scu per design modern. In fuonz as po que fer tuot cun dschember, be l’ümidited nu cumporta quist lain muntagnard. Ed eir per purists nun es il dschem- ber d’arcumander. Motiv: ils stizis da la bgera ram- ma, ils uschedits „ögls“. „Il dschember guarda“, disch il falegnam. Las nattas da la ramma fuorman vistas, figüras, bes-chas. „Dschember es ün lain cun orma, cun ün tschert spiert“, es Cadonau persvas.preschaint das Magazin 33© Foto Mayk Wendt