Page 13 - Preschaint Nummer 6

Fer chammas ad üna chesa Üna chesa sainza giasts sumaglia pütost ad ün chastè. Las portas vegnan aviertas be per quels, chi haun dadainsvart vstieus in s-chantschia e lur let in staunza. Scha maunchan giasts, schi mai- nan ils abitants viepü monologs. Els repetan lur impissamaints üsitos e discuorran cunter paraids müts. Giasts al cuntrari salvan üna chesa. Els animeschan la chesa massiva ed ella cumainza a quinter da sia vita. La chesa as po preschanter in sieu scharm ed in sia singularited. A la fin la faun ils giasts chammas e la portan in lur egen muond. Per ch’els chattan eir lo prüvadentscha. Üna tela chesa es güst eir quella da Mili Weber. A do visitaduras e visitaduors chi partan pür zieva avair relascho ün salüd amiai- vel. Otramaing nu pudessan els partir. La visita in chesa d’eira per els pütost ün inscunter culla chesa. Ed ün inscunter persunel as glivra cün ün gest persunel: ün ingrazchamaint, ün giavüsch, ün’impreschiun. Il cudesch da giasts spievla quelo. preschaint das Magazin 11