Page 19 - Preschaint Nummer 7

Sendas, giassas
e vias laterelas
Cur ch’eau d’eira landervi ad imprender ad ir cul auto, sun eau ida cun mieu non in Bergiaglia, giò pel Malögia e fin tal cunfin. E na la via svelta. El m’ho fat ir tres mincha vschinaunchetta, pü stret- tas cha las giassas dvantaivan, pü ch’eau süjaiva e pü plaschair cha mieu non vaiva landervi. Autos chi gnivan incunter, turists chi sguinchivan a mias manövras, bus chi stuvaivan spetter. Üna gnier- vusited enorma. E mieu non tuot pachific e cun- taint: “Sün quistas vias imprendast pür inandret.” Edelvaivaradschun.Eirsch’eaud’hefatdaquel- las süjedas potentas, d’he eau a la fin finela propi imprains ad ir cul auto e da rester calma in situa- ziuns schgniervantas. Chi so sch’eau vess im- prains tuot que pigliand be la via principela? Eau nu craj. Cler cha’l böt d’eira il cunfin cun l’Italia, ma perche adüna piglier la via la pü simpla, la pü directa per river lo?
La destinaziun da mia egna vita d’eira adüna ma- gari clera. Già daspö ch’eau m’algord, vuless eau dvanter magistra. Ma d’he eau piglio la via la pü directa per ragiundscher quist böt? Sgür na. Que füss bain lungurus! Eau nu d’he prescha. Que nun es be perche ch’eau sun in generel üna per- suna fich pachifica, dimpersè eir perche ch’eau vögl giodair mincha mumaint. Eau am pigl quel
temp per imprender a cugnuoscher las vias late- relas, perche cha tenor me nu capita bger d’inte- ressant sülla via directa. Eau tscherch las giassas e sendas chi partan da la via maistra, eau las pigl e viv quellas aventüras.
Per dir la vardet sun fin uossa capitedas bgerisch- mas robas ch’eau nu’m vess da pitschna mê in- sömgeda. Eau d’he viagio il muond. Eau sun ida a sella d’elefants. Eau d’he chatto buns amihs dapertuot inua ch’eau sun riveda. Chi chi taidla mias istorgias, bada svelt ch’eau d’he suvenz gieu furtüna. Tuot s’ho simplamaing do, bger es ieu a mieu avantag. E tuots chi’m dumandan, cu ch’eau saja adüna al dret mumaint al dret lö. Cò possi be respuonder cha que saja ün spür cas, ma cha la vita oramai capita süllas sendas, giassas e vias laterelas.
Gianna Duschletta
preschaint das Magazin 17