Page 43 - Preschaint Nummer 7

Ün ordinatur plain chartas
Il prüm ho duonna Cilgia publicho recettas da l`egna famiglia, per exaimpel ils chapuns chi tuochan aunch’adüna tals trats predilets in famiglia. «Alura d`heja tschercho in mieu egen ravuogl e cul temp d`heja survgnieu adressas da duonnas in tuot l`Engiadi- na», quinta la ramassedra da recettas. Cul temp hegian duonnas ed homens cumanzo a trametter recettas per posta – per part dafatta in fuorma da cu- daschins da recettas da famiglia. «Bgeras recettas d`heja pruvo our e congualo, ma na tuottas vaivan plazza», quinta duonna Cilgia. La prüma «Padella» es dvanteda dalum ün success. «Eau daiva scoula d`eco- nomia in tuot l`Engiadin`Ota e cugnuschaiva a bgera glieud. Cun vender «La padella» d`heja gieu grand sustegn da la populaziun», quinta la «mamma» da «La padella». Eir sia famiglia güdaiva tar la spediziun e la contabilted. Bainbod sun gnidas las prümas reacziuns da la glieud. «Eau d`he ramasso las chartas e cartulinas in ün ordinatur e d`he aunch’adüna plaschair da las ler», disch ella. Aunch’hoz survain duonna Cilgia tele- fons vers mezdi cun dumandas pervi d`üna recetta.
Cultura da manger eterniseda
La cuschina fo part da la cultura d`üna regiun. «Eau d`he adüna gieu plaschair da mantgnair nossa cultura, dal bel s-chet engiadinais», disch duonna Cilgia. Ella ho eir do bgers cuors da cuschiner tenor recettas engiadinaisas. «Mia vita es steda uschè bger pü richa tres mia Padella», disch la duonna da 76 ans. Que la detta satisfacziun cha las veglias recettas engiadinaisas vegnan mantgnidas grazcha a «La padella» eir per prosmas generaziuns. L`ultima ediziun es intaunt exausta. «A füss bel, scha nus pudessans cuntinuer cun edir ‹La padella›», managia duonna Cilgia ed agiundscha: «Eau sun fich grata per la grazcha da nos Segner per ün’uschè buna reuschida».
preschaint das Magazin 41