Page 12 - Preschaint Nummer 8

plazza. Ella es viageda da l’Argentina in Chile e Peru, alura in Venezuela ed in Brasilia. «Quist temp m’ho musso, quaunt gugent ch’eau d’he a mia famiglia», s’algorda Ulrica. Ella vaiva già adüna üna buna relaziun cun sieus confamiliers, però quels mumaints illa pampa, dalöntsch davent da la patria e da la famiglia, sajan stos per ella scu ün sdasder. «Eau d’he bado sün quel viedi, quaunt bel cha’d es a chesa ed eau stim que fin hoz», disch Ulrica. Ch’ella hegia eir bado pür lo che ota qualited da vita cha que detta in Svizra e che furtüneda ch’ella possa esser da sieu destin d’esser naschida in Svizra. Avierta per tuot las opziuns Vairamaing vulaiva Ulrica zieva sieu viedi ir a lavurer in üna scoula svizra a Lima, ma zieva esser steda lo, ho ella constato cha que nun eira sia via. Ella es turneda in Sviz- ra. La dumanda «Che fer uossa?» s’ho respusa tres ün inserat da Radiotelevisiun Svizra Rumantscha (RTR). «Tschercho moderatura». Da spür buonder s’ho l’Engia- dinaisa annunzcheda e survgnieu la plazza. «Eau nu d’he mê fat grands plauns, eau sun la tipa spontana e que ho adüna piglio üna buna fin», disch Ulrica. Ella as declera quist fat cun que ch’ella es adüna resteda avierta per tuot las opziuns e situaziuns. E listess, il prüm temp scu schur- nalista saja sto dür. «A me manchaivan ils iffaunts, l’esser magistra, las liberteds cha quel mister porta cun se», quinta Ulrica. Bainbod però ho ella chatto sia rolla e dals duos, trais ans planisos sun dvantos intaunt 15 ans scu schurnalista. In quist mister es Ulrica gnida confrunteda cun ün oter muond, cun nouvs mezs da comunicaziun. «Que m’ho fascineda da prüma davent», disch ella. Ch’ün privilegi saja eir da gnir a cugnuoscher adüna darcho a nouvs umauns e da’s pudair dedicher adüna darcho a nouvs temas. Scha mê pussibel prouva Ulrica da surpiglier in sia lavur quellas incumbenzas chi haun lö illas muntagnas. «Eau vuless avair quellas istorgias, adüna nu las survegni, ma eau sun furtüneda, scha que gratagia darcho üna vouta», quinta ella riand. Mincha di cumainza danövmaing Ün mumaint decisiv in sia vita es steda la naschentscha da sieu prüm iffaunt. «In ün tschert sen am suni bainschi sdasdeda quella vouta. Eau vaiva suotvalüto l’esser mam- ma», disch ella. Avair iffaunts, avair la respunsabilted e turner darcho in ün tschert sistem – cha que saja sto ün grand müdamaint. «Fin lo vaivi simplamaing fat que ch’eau faiva gugent, dandettamaing vaivan ils bsögns da qualchün oter priorited», quinta ella. Per furtüna partan sieus uffants e’l partenari l’amur per la muntagna. Silva- no, il mat grand, accumpagna a la mamma e’l bap dafat- ta già sün turas da skis. Da glivrer da lavurer per rester be a chesa tals iffaunts nu gniva per Ulrica mê in dumanda. «Eau lavuraro adüna, que am do uschè bger, eau drouv que», disch ella. Cha’l mister nu la detta be independen- za, ma pussibiltescha eir d’avair ün orizont vast. «Eau im- prend mincha di qualchosa nouv», declera ella. Da nu savair che chi la spetta la bunura cun as sdasder, predscha ella fich. Cha rutina nu detta que in sia vita. «Scu schurnalista nu’s perda mê l’öglieda pel nouv», managia Ulrica ed agiundscha: «Nus cumanzains mincha bunura danövmaing, mincha di es üna nouva schanza.» Forsa es il mister vario il motiv cha Ulrica nun ho üngüns sömmis pel futur. «Eau sun cuntainta cun mia vita scu ch’ella es uossa», disch ella. Be ün böt detta que auncha cha Ulrica vuless ragiundscher: ir sül Piz Bernina. 10 preschaint das Magazin «Es erwacht der Tag und auch die Seele» Zeit zum Nachdenken Reisen öffnet die Augen Offen für Möglichkeiten Jeder Tag ein neuer Anfang