Page 14 - Preschaint Nummer 8

Cur cha la glüsch aintra illa s-chüraglia Experienzas do que chi stüzzan mincha glüsch. S-chürdüna naira s’extenda, inua cha d’eira clarited. Per quaunt lönch ? L’effet persistent as remarcha il meglder da not. Dadour es quietezza. Dadains – in se stess – sbarbuoglia que. Vers inour as fo stravair cha tuot saja in uorden. Eir zieva ün evenimaint somber. A’s metta üna crousla intuorn que chi’d es sto. A’s zuppainta. A’s schmauncha. Per cha que giaja inavaunt. In qualche maniera. Evenimaints sombers ans müdan però. Uossa essans nus oters cu’ls oters. La s-chüraglia ans isolescha. E nus patins auncha dapü. – 12 preschaint das Magazin